सर्व शिक्षकाना 5 लाखाचे आरोग्य पॅकेज लागू आहे. याची झेराॅक्स काढून प्रत्येकांनी फाईलला लावून ठेवावी

दिनांक : २५ फेब्रुवारी, २०२६.

क्रमांक : वैखप्र-१६२५/(१४९/२५)/टीएनटी-५

प्रति,

आयुक्त शिक्षण, महाराष्ट्र राज्य, पुणे - १.

विषय : राज्यातील १०० टक्के अनुदानित खाजगी शाळेतील शिक्षक / शिक्षकेतर कर्मचाऱ्यांना आयुष्यमान भारत प्रधानमंत्री जन आरोग्य योजनेखाली वैद्यकिय खर्चाचे लाभ देणेबाबत..

संदर्भ : आपले पत्र क्र. शिसंमा/२०२५/टी-७, दि.०९.०६.२०२५.

उपरोक्त संदर्भाधीन प्रस्तावाद्वारे सादर केलेल्या, राज्यातील सर्व जिल्हा परिषद व खाजगी १०० टक्के अनुदानित शाळांमधील कर्मचाऱ्यांचा आयुष्यमान भारत प्रधानमंत्री जन आरोग्य योजनेमध्ये समावेश करुन कर्मचाऱ्यांना कॅशलेस वैद्यकिय सुविधा उपलब्ध करुन देण्याबाबत मागणी केली आहे.

२. तथापि, याबाबतचा प्रस्ताव सार्वजनिक आरोग्य विभागास सादर केला असता सदर योजनेमध्ये शुभ्र शिधापत्रिका धारकांसह राज्याच्या सर्व अधिवासी नागरिकांना योजनेअंतर्गत अंगीकृत रुग्णालयांमार्फत विस्तारीत महात्मा फुले जन आरोग्य योजना व आयुष्यमान भारत प्रधानमंत्री जन आरोग्य योजनांतर्गत प्रति कुटुंब प्रति वर्ष रु. ५.०० लक्ष चे आरोग्य संरक्षणाचे लाभ अनुज्ञेय आहेत. या लाभार्थ्यांमध्ये शिक्षक व शिक्षकेत्तर कर्मचाऱ्यांचा समावेश असल्याचे म्हटले आहे.

३. त्याअनुषंगाने या योजनेचा लाभ घेण्याचे आपल्या स्तरावरून अवगत करण्यात यावे.

स्पायरह (सिध्देश्वर सपकाळ)

कक्ष अधिकारी, महाराष्ट्र शासन.

प्रतः

१) शिक्षण संचालक (प्राथमिक), शिक्षण संचालनालय महाराष्ट्र राज्य, पूणे

२) शिक्षण संचालक (माध्यमिक व उच्च माध्यमिक), शिक्षण संचालनालय महाराष्ट्र राज्य