प्रधानमंत्री पोषण शक्ती निर्माण योजनेंतर्गत प्रति दिन प्रति लाभार्थी दरामध्ये सुधारणा करणेबाबत.....दि 4 मार्च 2025

प्रधानमंत्री पोषण शक्ती निर्माण योजनेंतर्गत प्रति दिन प्रति लाभार्थी दरामध्ये सुधारणा करणेबाबत.....दि 4 मार्च 2025

केंद्र शासनाने दि.०७ ऑक्टोंबर, २०२२ रोजीच्या आदेशान्वये सन २०२२-२३ या आर्थिक वर्षातील दि.०१ ऑक्टोंबर, २०२२ पासून प्रति दिन प्रति लाभार्थी आहार खर्चाच्या दरात ९.६ टक्के वाढ करण्याचे निर्देश दिलेले होते. यानुसार संदर्भाधिन दि.१५ नोव्हेंबर, २०२२ रोजीच्या शासन निर्णयान्वये प्रति दिन प्रति लाभार्थी आहार खर्च मर्यादा प्राथमिक वर्गासाठी रु.५.४५ आणि उच्च प्राथमिक वर्गासाठी रु.८.१७ याप्रमाणे निश्चित करण्यात आलेली होती. सद्यस्थितीत केंद्र शासनाने संदर्भाधिन दि.२७ नोव्हेंबर, २०२४ रोजीच्या आदेशान्वये प्रति दिन प्रति विद्यार्थी आहार खर्चात दरवाढ मंजूर केली आहे. त्यानुसार सदरप्रमाणे सुधारित दर लागू करण्याची बाब शासनाच्या विचाराधीन होती.

शासन निर्णय :- 

१) प्रधानमंत्री पोषण शक्ती निर्माण योजनेंतर्गत प्राथमिक तसेच उच्च प्राथमिक वर्गातील विद्यार्थ्यांना खालीलप्रमाणे सुधारित आहार खर्चाच्या दरास मान्यता देण्यात येत आहे.

अ.क्र - १

लाभार्थी गट- प्राथमिक (इ.१ ली ते इ.५ वी)

प्रतिदिन प्रति लाभार्थी आहार खर्च मर्यादा (रु.)- रु.६.१९

अ.क्र २. 

लाभार्थी गट - उच्च प्राथमिक (इ.६ वी ते इ.८ वी)

प्रतिदिन प्रति लाभार्थी आहार खर्च मर्यादा (रु.) - रु. ९.२९

२) प्रधानमंत्री पोषण शक्ती निर्माण योजनेंतर्गत ग्रामीण भागामध्ये तांदूळासोबतच इतर धान्यादी मालाचा पुरवठा शाळास्तरावर करण्यात येतो. सदर धान्यादी मालापासून आहार बनविण्यासाठी प्राथमिक आणि उच्च प्राथमिक वर्गातील विद्यार्थ्यांसाठी निश्चित करण्यात आलेल्या आहार खर्चाची विभागणी पुढीलप्रमाणे करण्यास मान्यता देण्यात येत आहे.

अ.क्र - १

लाभार्थी - प्राथमिख

अनुज्ञेय आहार खर्च (रु.) -

रु.६.१९

धान्यादी माल पुरविण्यासाठी खर्च (रु.)- रु.३.८३

इंधन आणि भाजीपाला यासाठी लागणरा खर्च (रु.) - 

रु.२.३६

अ.क्र - २

लाभार्थी - उच्च प्राथमिक 

अनुज्ञेय आहार खर्च (रु.) - रु.९.२९

धान्यादी माल पुरविण्यासाठी खर्च (रु.) - रु.५.७५

इंधन आणि भाजीपाला यासाठी लागणरा खर्च (रु.) - रु.३.५४

प्रस्तुत योजनेंतर्गत नागरी भागामध्ये केंद्रिय स्वयंपाकगृह प्रणालीमार्फत तयार आहाराचा पुरवठा करणाऱ्या यंत्रणांना खालीलप्रमाणे अनुदान देय राहील.

अ.क्र. - १.

लाभार्थी गट - प्राथमिक

अनुज्ञेय आहार खर्च (रु.) - रु.६.१९

अ.क्र. - २ 

लाभार्थी गट -  उच्च प्राथमिक

अनुज्ञेय आहार खर्च (रु.) - रु.९.२९

४) सदरप्रमाणे दरवाढ दि.०१ मार्च, २०२५ पासून लागू करावी.

५) सदरचा शासन निर्णय नियोजन विभागाच्या अनौपचारीक संदर्भ क्र.४८०/१४७१, दि.०४ डिसेंबर, २०२४ तसेच वित्त विभागाच्या अनौपचारीक संदर्भ क्र.१४१०/व्यय-५, दि.१० जानेवारी, २०२५ अन्वये दिलेल्या सहमतीने निर्गमित करण्यात येत आहे.

सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०३०४१६४५२८९०२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

PRAMOD

ABAJI PATIL

AHARASHTRA PORT DEPARTMENT

(प्रमोद पाटील) अवर सचिव, महाराष्ट्र शासन